ڕۆژێک نییە،
ئەو وێنە ڕەش و سپییەی
تەمومژی دوێنێ ی بەخشی بە ڕووخسارم داینەگرم و نەیدڕێنم.
من شەو نییە،
لە سەر ترووسکەی ڕۆشنایی ئەزموونی خۆم
شووناسێک؛
کە بۆوبەرامی هاڵاوی ئەمڕۆی لێبێت، بە نیگارێکی ڕۆشنتر نەکێشمەوە بۆ سبەینێ.
ئەو وێنانە دەبەخشمەوە خۆڵەمێش کە منیان لە خۆم و تۆ کرد،
کە مابەینی من و بۆوبەرامی باخیان شێواند،
گوڵ و خونچە و باڵدارەکانیان لێکردم بە دووژمنێکی ئەبەدی
، تا لە تاریک و ڕوونی بەیاندا
، بە شمشێرەکانی تاریکی و یەقینەوە
، بە ڕۆحێکی بێباکانە ملی گوڵەکان پەڕێنم
داوی بۆسەکان بۆ فڕین بنێمەوە.
تۆ هیچ نەبووی،
جگە لە باخەوانێکی بە وەفا لە باخچەی زۆردارەکاندا
منیش عاشقێکی نەفام.
چەندە بەدبەختین من و تۆ
من هەمیشە قەڵغان بووم، تۆش فیشەک
لە جەرگەی ئەم جەنگانەدا
من ڕقی قوربانی و
تۆش کینەی جەلاد لە بەردەم سێدارەکاندا
من گوناح و
تۆش گوناهکاری دەستێکی نادیار لە ناخی بڕوا و ئیماندا
من خەم و
تۆش ئالەتی کارخانە نەعلەتیەکانی ئازار لەم دنیا شەڕانگێزەدا
من بێباکێکی نەخۆش و
تۆش نەخۆشێکی بێباک لە هەمان مەیدانی ژیاندا
من وون و
تۆش وون لە تەمومژی تاریکی هەمان ڕۆژدا
هەردوو ئامێری دەستێکی چەپەڵی ئەم سەردەمە بووین
تۆ منت تا سەر ئێسقان ئەڕووتانەوە و
منیش (ژیان)م بە هەموو قوڵاییەکانیەوە وێران دەکرد.
دوو بێباکی چەند بەدبەختین لەم زووڵمەتی وونبوونەدا،
بڕوانە لەشکری ئیمپڕاتۆرەکانی بوغز چۆن چۆکی داداوەتە سەر سینەمان و
ئێمەش چۆن بە تاسەی کۆیلەکانەوە دیسانەوە لە مەراقی چاوەڕوانیدا ئاوی چاومان دادێ و
دەگەڕێن بۆ سۆراخی موعجیزەکانی بابایەکی باڵدار،
یا حەکیمێک،
زمانزان و جامبازێکی تری سیاسەت لە ئاسمانەوە دابەزێت،
یا لەسەر زەوی دەرکەوێ و
مووژدەی وەهمی ڕزگارییەکی ئەبەدیمان پێ ببەخشێت و
ئێمەش گەواهی بدەینێ تا دوا هەناسە بۆی بژین،
تا دوا ترپەی لێدانی دڵ بۆی بمرین و
سوونەتی ئەبەدی ئەو دەرخبکەین درووشمی دەمی ئەو بڵینەوە
ووتەکانی بکەینە سروود
پەیامی لەسەر لافیتە و گۆڤار و ڕۆژنامە و کەناڵەکانی تی ڤی دا پەخش بکەین
وێنەکانی بگرینەوە چوارچێوە و لەبەر دەمیدا
لەسەر چۆک دامێنین و کڕنووش بەرین بە چاوانی ئەو ببینین،
بە هەستەکانی ئەو بۆن بکەین،
وەکو ئەڵقە لە گوێ ئەودا دەمامکەکانی بپۆشین
تا دوا چرکەش مورید و دەروێشەکانی تەکییەکەی بین.
لە دوێنێکا من و تۆ چەند بەدبەخت بووین
بەڵام ئەمڕۆ ئەوەی دەمرێت و وون دەبێت من نیم،
ئەوە وێنەکانی دوێنێمە دەمرن
ئەوە دەمامکەکانی دوێنێمە دەبنە خاشاک و خۆڵ لێرەدا.
وێنەگەلی سەردەمانێک،
من تیایاندا هەم کوژراو و هەم بکوژ بووم
ئەوەی ئەم شەو دەمرێت من نیم،
ئە و دەمامکانەیە کە قەدەرێک بەستبوونی بە ڕووخسارمەوە و
مەحکوم بەوەی هەم گووناهبم ، هەم گووناهکار
ئەوەی ئەمڕۆ دەمرێت من نیم،
وێنەی کاڵبووەی سەر ئەو شووناسە ڕاگوزارەیە
کە هەر جارە و دەستەکانی خواوەندێک درێژ دەبێت
چارەنووسێک بە بزمار بە ناوچاوانمەوە دادەکووتی و
بە دەقێکی ئامادەوە بۆ نمایش تووڕم دەداتە سەر تەختەی شانۆکانی ژیان.
ئەوەی لەدایک بوو ...... من بووم
ئەوەی سرووشتی قەدەرێکی گەردوونی لەسەر ئەم بستە زەویە و لە منداڵدانی ژنێکدا،
وای کرد ئەم ڕۆحەی من بە گریان چاوبکاتەوە و
ئەم جلانە لەبەرکات و بەم زمانە دواتر بدوێ ئەوە من بووم.
بەڵام ئەو وێنە چرچانەی دوێنێ،
کە قەدەرێکی خوازراوی ئەم کەلتوورە مەرگدۆستە جڵەوی ژینی گرتبوو و
مەحکومی کرد بەوەی کە لەم گۆشەیەدا، هەم جەلاد، هەم قوربانی بێت..... من نەبووم.
من ئەوەم کە ئێستا هەم
لەم چرکە ساتەشدا دەکرێت وێڵی شووناسێکی تازەتر بم لە بەیانی ئاییندەدا.
بە شەوقەوە
لە مەراقی ئاشنایەتییەکی نوێ دا بم بۆ سبەینێ ی بوون و بۆ ژیان .........ئامێزم تا ئەوپەڕی بکەمەوە.
ئەو وێنە ڕەش و سپییەی
تەمومژی دوێنێ ی بەخشی بە ڕووخسارم داینەگرم و نەیدڕێنم.
من شەو نییە،
لە سەر ترووسکەی ڕۆشنایی ئەزموونی خۆم
شووناسێک؛
کە بۆوبەرامی هاڵاوی ئەمڕۆی لێبێت، بە نیگارێکی ڕۆشنتر نەکێشمەوە بۆ سبەینێ.
ئەو وێنانە دەبەخشمەوە خۆڵەمێش کە منیان لە خۆم و تۆ کرد،
کە مابەینی من و بۆوبەرامی باخیان شێواند،
گوڵ و خونچە و باڵدارەکانیان لێکردم بە دووژمنێکی ئەبەدی
، تا لە تاریک و ڕوونی بەیاندا
، بە شمشێرەکانی تاریکی و یەقینەوە
، بە ڕۆحێکی بێباکانە ملی گوڵەکان پەڕێنم
داوی بۆسەکان بۆ فڕین بنێمەوە.
تۆ هیچ نەبووی،
جگە لە باخەوانێکی بە وەفا لە باخچەی زۆردارەکاندا
منیش عاشقێکی نەفام.
چەندە بەدبەختین من و تۆ
من هەمیشە قەڵغان بووم، تۆش فیشەک
لە جەرگەی ئەم جەنگانەدا
من ڕقی قوربانی و
تۆش کینەی جەلاد لە بەردەم سێدارەکاندا
من گوناح و
تۆش گوناهکاری دەستێکی نادیار لە ناخی بڕوا و ئیماندا
من خەم و
تۆش ئالەتی کارخانە نەعلەتیەکانی ئازار لەم دنیا شەڕانگێزەدا
من بێباکێکی نەخۆش و
تۆش نەخۆشێکی بێباک لە هەمان مەیدانی ژیاندا
من وون و
تۆش وون لە تەمومژی تاریکی هەمان ڕۆژدا
هەردوو ئامێری دەستێکی چەپەڵی ئەم سەردەمە بووین
تۆ منت تا سەر ئێسقان ئەڕووتانەوە و
منیش (ژیان)م بە هەموو قوڵاییەکانیەوە وێران دەکرد.
دوو بێباکی چەند بەدبەختین لەم زووڵمەتی وونبوونەدا،
بڕوانە لەشکری ئیمپڕاتۆرەکانی بوغز چۆن چۆکی داداوەتە سەر سینەمان و
ئێمەش چۆن بە تاسەی کۆیلەکانەوە دیسانەوە لە مەراقی چاوەڕوانیدا ئاوی چاومان دادێ و
دەگەڕێن بۆ سۆراخی موعجیزەکانی بابایەکی باڵدار،
یا حەکیمێک،
زمانزان و جامبازێکی تری سیاسەت لە ئاسمانەوە دابەزێت،
یا لەسەر زەوی دەرکەوێ و
مووژدەی وەهمی ڕزگارییەکی ئەبەدیمان پێ ببەخشێت و
ئێمەش گەواهی بدەینێ تا دوا هەناسە بۆی بژین،
تا دوا ترپەی لێدانی دڵ بۆی بمرین و
سوونەتی ئەبەدی ئەو دەرخبکەین درووشمی دەمی ئەو بڵینەوە
ووتەکانی بکەینە سروود
پەیامی لەسەر لافیتە و گۆڤار و ڕۆژنامە و کەناڵەکانی تی ڤی دا پەخش بکەین
وێنەکانی بگرینەوە چوارچێوە و لەبەر دەمیدا
لەسەر چۆک دامێنین و کڕنووش بەرین بە چاوانی ئەو ببینین،
بە هەستەکانی ئەو بۆن بکەین،
وەکو ئەڵقە لە گوێ ئەودا دەمامکەکانی بپۆشین
تا دوا چرکەش مورید و دەروێشەکانی تەکییەکەی بین.
لە دوێنێکا من و تۆ چەند بەدبەخت بووین
بەڵام ئەمڕۆ ئەوەی دەمرێت و وون دەبێت من نیم،
ئەوە وێنەکانی دوێنێمە دەمرن
ئەوە دەمامکەکانی دوێنێمە دەبنە خاشاک و خۆڵ لێرەدا.
وێنەگەلی سەردەمانێک،
من تیایاندا هەم کوژراو و هەم بکوژ بووم
ئەوەی ئەم شەو دەمرێت من نیم،
ئە و دەمامکانەیە کە قەدەرێک بەستبوونی بە ڕووخسارمەوە و
مەحکوم بەوەی هەم گووناهبم ، هەم گووناهکار
ئەوەی ئەمڕۆ دەمرێت من نیم،
وێنەی کاڵبووەی سەر ئەو شووناسە ڕاگوزارەیە
کە هەر جارە و دەستەکانی خواوەندێک درێژ دەبێت
چارەنووسێک بە بزمار بە ناوچاوانمەوە دادەکووتی و
بە دەقێکی ئامادەوە بۆ نمایش تووڕم دەداتە سەر تەختەی شانۆکانی ژیان.
ئەوەی لەدایک بوو ...... من بووم
ئەوەی سرووشتی قەدەرێکی گەردوونی لەسەر ئەم بستە زەویە و لە منداڵدانی ژنێکدا،
وای کرد ئەم ڕۆحەی من بە گریان چاوبکاتەوە و
ئەم جلانە لەبەرکات و بەم زمانە دواتر بدوێ ئەوە من بووم.
بەڵام ئەو وێنە چرچانەی دوێنێ،
کە قەدەرێکی خوازراوی ئەم کەلتوورە مەرگدۆستە جڵەوی ژینی گرتبوو و
مەحکومی کرد بەوەی کە لەم گۆشەیەدا، هەم جەلاد، هەم قوربانی بێت..... من نەبووم.
من ئەوەم کە ئێستا هەم
لەم چرکە ساتەشدا دەکرێت وێڵی شووناسێکی تازەتر بم لە بەیانی ئاییندەدا.
بە شەوقەوە
لە مەراقی ئاشنایەتییەکی نوێ دا بم بۆ سبەینێ ی بوون و بۆ ژیان .........ئامێزم تا ئەوپەڕی بکەمەوە.
