Saturday, September 27, 2014

کە تۆ لێرە بیت هەمیشە

   کە تۆ لێرە بیت هەمیشە،
   ئێرەش هەردەم وا لەلای تۆ..
   من چوون چرا و
   تۆش تەلیسمی گورزێک لە تیشکی ڕووناکی لە ئەزەلەوە هاتبی و
   لێرەدا نیشتەجێ ی دڵ بیت.
(٢)
   بێ چرای ڕووت، وێڵ و سەرگەردانە ڕۆح وەکو پەروانە.
   وەرە ساقی ئەوینی من،
   تێیبکە جامێ لە شەوقی عەشق و چریکەی داگیرساوی ئەم ئاواز و دەنگە دوورە،
   تا شووشەی بەتاڵم پڕ و
   سەرم کەیل و
   دڵم بێدار بێت هەمیشە.
    (دارا عەلی 25/9/2014)

No comments:

Post a Comment