من خەیاڵی سەرکردنم بە مزگەوت و مەیخانەدا وەکو یەک بوو؛
لە میاندا لەسەرچۆک،
لەبەردەم سامی مردندا
ناڵەی ویژدانی زامار و خەم و بێزاری ڕۆژگارم پێ بەنج ئەکرد.
لەویاندا سەرشۆڕ و سەرکز،
لە تاو ترسی وونبوونمدا
هاواری دڵی ڕەنجاو و ئازاری ڕەنجی دزراوم بە با ئەدا.
ئەمئێستاش دوور لە مەی و دوور لەنزا،
وەکو پەروانە بەدەوری ڕووناکی چرای عەشقێکدا
کەتوومەتە سەما و فڕین،
نەترسم لە مردنە
نە لە وونبوون.
(دارا عەلی)
No comments:
Post a Comment