....
هێند بە دەوری ڕەشەباکانتەوە هاتم،
هەتا ڕۆژێک گەردەلوولێکت قووتی دام.
هێند بەدیار شەوگارەکانتەوە دانیشتم،
تا چەپۆکێکی تاریکیت لە هەناویدا لووشی دام.
هێند دوای چاوگی قەتارەی دوکەڵی سووتانت کەوتم،
هەتا تاوی ئاگرەکانت لە قەدیانەوە ئاڵاندمی و چوون پەڵەیەک لە خۆڵەمێش بەجێتهێشتم.
هێندە بەدیار خەونی پاڵەوانەکانتەوە لە چاوەڕوانی پەڕجوویەکدا،
ئاوی چاوانم داهات و بووم بە هەڵمێک پەرت پەرت،
وەکو هەورێکی بێشووناس،
نەمامێکی تەمەن کورتی ناو ئینجانە و
چوون جانتایەک بێ نیشتمان، لە سەفەری ئەبەدی دا،
چوون هاوارێک، جێ پێی شپرزەیی لەسەر دڵی دیارە و دنیا لێی ناپرسێتەوە.
ئەمئێستا من ئاسمانێکم بەسەر نەخشە وەهمیەکاندا،
پڕم لە کۆچی ناوەخت و لەشەقەی باڵی شپرزە و لە تەموومژ.
وەرزێکم لەودیو بازنەی زەمەنەوە هەر هێندەی سەوز بووم، دەوەرێم،
هەر هێندەی وەریشم، دەسووتێم
کوێرەوەری;
تا چاوبڕکا جگە لە بەختی ڕەشی خۆی شتێکی تر بەدی ناکات.
سەرهەڵبڕین کانگای ژانەکانی ئەوە،
بۆیە دەگمەنە سەرنج بداو، مەحاڵە دەنگ هەڵبڕێت و چڕ بێتەوە لە ڕووانین و لە تێڕامان.
ئەو هەمیشە چاو دائەخا و
چاوەڕوانی موعجیزەی نزاکانیەتی و
ڕووی خۆی لە بڵندگۆی ئاسمان ئەکات.
من ئەو وەختە بەر شەللاقی کوێرەوەری ڕۆژگار کەوتم،
کە لەدایکبوونمی کردە قەدەر و،
لە یەکەمین گریانمەوە، هەناسەکانمی دایەدەست تەمومژی چارەنووسێکی نادیار.
لەو وەختەوە ڕەبەنێکی کۆتکراوی خۆشەویستم
کە بووم بە لەتێک ئاوێنەی تێکشاوی ڕۆحی تارتان.
ئەمئێستاکەش،
سامی ترسەکانی ئێوەم لێ ئەچۆڕێ و
شپرزەییتان بەتاڵم ئەکاتەوە لە ئەندێشە و خولیا و خەیاڵ
کاتێک تارمایی سێبەرتان، توڕی ئەدامە کونجێکی سەر لە کۆش و تەنیا و گریاو،
ئەبوومە گەڕیدەی وونبوو و لە تەموومژێکی چڕی ووڕێنەدا نغرۆ ئەبووم.
ئەو کاتانە هەرگیز من نەبووم کە ئەژیام
کۆپی ئێوە بوون لە مندا،
کە ڕەشەبای لەناکاوتان، فێریان کردم چۆن وەک گەردەلوول هەڵبکەم.
گومانە تاریکەکانتان، دەرسیان دادام چۆن خۆم بدەم بەدەستەوە و سەرهەڵنەبڕم.
ئاگربارانی چواروەرزەی نێوچاوانتان، فێریان کردم چۆن وەک تووڕەیی بتەنمەوە بە چوار دەورا و ڕەش و سپی تێکەڵاوکەم.
لە کرووزانەوە و شیوەن کردنتانەوە فێربووم بە لاوانەوەی شمشالێک چۆن چڕ دابارێم.
لە یەقینەکانتانەوە فێربووم چۆن تووند بە ڕۆژی ڕوون دەستم بگرم بە چاومەوە.
لە بێدەنگی هەمیشەتانەوە فێربووم چۆن بێباک بم لەتەماشا و لە ڕوانینما.
چۆن دنیا پڕکەم لە بوغز ژیان پڕکەم لە نەفرەتی.
بەس ئەو ساتەی،
ڕووناکی بوو بە مامان و لە منداڵدانی شیعرێکا هاتمە دەرێ
ئەو سات-وەختە ڕۆژی لە دایکبوونی من تۆمار ئەکات.
من تەمەنم لێرەوەیە،
ژیان ئێستە دەست پێئەکات،
لە کاتێکدا، لە پانتایی ئەوینی تۆ ڕائەمێنم،
تۆش لەسەر پشت
بیر من و لە باران وباڵندەکان دەکەیتەوە و
ئەمخەیتەوە سەر کەڵکەڵەی خولیا و خەیاڵ
تا لەبەردەمتا بێشکبم لە هەڵڕشتنی سەراپای گوناهەکان
لە تەکاندنی تۆزوخۆڵ بەسەرشانی گومانەکان
تا باڵی درۆکان دەکەم
چێژی چەقۆکان پەت ئەکەم
تا قفڵی ژەنگرتووی ئەم دەروازە ئاسنینە تێکئەشکێنم
تا دڵم لە سینەی تۆدا و
... ترپە ترپی دڵی کۆترێکیش لەسنگی مندا.
هەتا ڕۆژێک گەردەلوولێکت قووتی دام.
هێند بەدیار شەوگارەکانتەوە دانیشتم،
تا چەپۆکێکی تاریکیت لە هەناویدا لووشی دام.
هێند دوای چاوگی قەتارەی دوکەڵی سووتانت کەوتم،
هەتا تاوی ئاگرەکانت لە قەدیانەوە ئاڵاندمی و چوون پەڵەیەک لە خۆڵەمێش بەجێتهێشتم.
هێندە بەدیار خەونی پاڵەوانەکانتەوە لە چاوەڕوانی پەڕجوویەکدا،
ئاوی چاوانم داهات و بووم بە هەڵمێک پەرت پەرت،
وەکو هەورێکی بێشووناس،
نەمامێکی تەمەن کورتی ناو ئینجانە و
چوون جانتایەک بێ نیشتمان، لە سەفەری ئەبەدی دا،
چوون هاوارێک، جێ پێی شپرزەیی لەسەر دڵی دیارە و دنیا لێی ناپرسێتەوە.
ئەمئێستا من ئاسمانێکم بەسەر نەخشە وەهمیەکاندا،
پڕم لە کۆچی ناوەخت و لەشەقەی باڵی شپرزە و لە تەموومژ.
وەرزێکم لەودیو بازنەی زەمەنەوە هەر هێندەی سەوز بووم، دەوەرێم،
هەر هێندەی وەریشم، دەسووتێم
کوێرەوەری;
تا چاوبڕکا جگە لە بەختی ڕەشی خۆی شتێکی تر بەدی ناکات.
سەرهەڵبڕین کانگای ژانەکانی ئەوە،
بۆیە دەگمەنە سەرنج بداو، مەحاڵە دەنگ هەڵبڕێت و چڕ بێتەوە لە ڕووانین و لە تێڕامان.
ئەو هەمیشە چاو دائەخا و
چاوەڕوانی موعجیزەی نزاکانیەتی و
ڕووی خۆی لە بڵندگۆی ئاسمان ئەکات.
من ئەو وەختە بەر شەللاقی کوێرەوەری ڕۆژگار کەوتم،
کە لەدایکبوونمی کردە قەدەر و،
لە یەکەمین گریانمەوە، هەناسەکانمی دایەدەست تەمومژی چارەنووسێکی نادیار.
لەو وەختەوە ڕەبەنێکی کۆتکراوی خۆشەویستم
کە بووم بە لەتێک ئاوێنەی تێکشاوی ڕۆحی تارتان.
ئەمئێستاکەش،
سامی ترسەکانی ئێوەم لێ ئەچۆڕێ و
شپرزەییتان بەتاڵم ئەکاتەوە لە ئەندێشە و خولیا و خەیاڵ
کاتێک تارمایی سێبەرتان، توڕی ئەدامە کونجێکی سەر لە کۆش و تەنیا و گریاو،
ئەبوومە گەڕیدەی وونبوو و لە تەموومژێکی چڕی ووڕێنەدا نغرۆ ئەبووم.
ئەو کاتانە هەرگیز من نەبووم کە ئەژیام
کۆپی ئێوە بوون لە مندا،
کە ڕەشەبای لەناکاوتان، فێریان کردم چۆن وەک گەردەلوول هەڵبکەم.
گومانە تاریکەکانتان، دەرسیان دادام چۆن خۆم بدەم بەدەستەوە و سەرهەڵنەبڕم.
ئاگربارانی چواروەرزەی نێوچاوانتان، فێریان کردم چۆن وەک تووڕەیی بتەنمەوە بە چوار دەورا و ڕەش و سپی تێکەڵاوکەم.
لە کرووزانەوە و شیوەن کردنتانەوە فێربووم بە لاوانەوەی شمشالێک چۆن چڕ دابارێم.
لە یەقینەکانتانەوە فێربووم چۆن تووند بە ڕۆژی ڕوون دەستم بگرم بە چاومەوە.
لە بێدەنگی هەمیشەتانەوە فێربووم چۆن بێباک بم لەتەماشا و لە ڕوانینما.
چۆن دنیا پڕکەم لە بوغز ژیان پڕکەم لە نەفرەتی.
بەس ئەو ساتەی،
ڕووناکی بوو بە مامان و لە منداڵدانی شیعرێکا هاتمە دەرێ
ئەو سات-وەختە ڕۆژی لە دایکبوونی من تۆمار ئەکات.
من تەمەنم لێرەوەیە،
ژیان ئێستە دەست پێئەکات،
لە کاتێکدا، لە پانتایی ئەوینی تۆ ڕائەمێنم،
تۆش لەسەر پشت
بیر من و لە باران وباڵندەکان دەکەیتەوە و
ئەمخەیتەوە سەر کەڵکەڵەی خولیا و خەیاڵ
تا لەبەردەمتا بێشکبم لە هەڵڕشتنی سەراپای گوناهەکان
لە تەکاندنی تۆزوخۆڵ بەسەرشانی گومانەکان
تا باڵی درۆکان دەکەم
چێژی چەقۆکان پەت ئەکەم
تا قفڵی ژەنگرتووی ئەم دەروازە ئاسنینە تێکئەشکێنم
تا دڵم لە سینەی تۆدا و
... ترپە ترپی دڵی کۆترێکیش لەسنگی مندا.
No comments:
Post a Comment