چەند هەژار و چەند بەدبەختن
گەورە پیاوانی درۆزن
بە ڕۆژی ڕوون،
گەر نەپۆشن دەمامکی فرە ڕەنگتان،
تەنگە نەفەسی قەفەزی سییەکانتان بە توندی هەراسان ئەکا و
زمانتان دووچاری تەتەڵە و
ئاگر بەرئەبێتە چرچ و لۆچی نێوچاوان و هاڵاوی گرژیتان سەرئەکات.
زەمانێکە ڕەونەقی هەموو ماسکەکان لە کۆنەوە تا مۆدێرن گشت بەسەرچوون.
دەمامێک چییە نەما، نیازی بەد و ئارەزووی تیمساح ئاسای ئەم ڕۆحە قێزەوونەتان حەشار بدا.
چەند بەدبەخت و چەند خۆشبەختن،
گەورە پیاوانی درۆزن
بەم ڕۆژگارە قاندراوانە بە ستایشی تاریکی،
بەم سەردەمە هەڵکشاوە لە پەتای جەنگ و کاولی،
بەم جیهانە ترسناکەی نوقم بووە لە بێباکی،
بەم ژیانە پووچە گەماڕۆدراوە بە شەیپوڕی ڕەزامەندی.
لەگەڵ ڕۆحی سادەی خۆتان هەمیشە دژ،
لەگەڵ ناخی سرووشتی خۆشتانا دووژمن،
ئەو کاتانەی کە کەللەیی دەتانگرێ سەرشانی خۆتان نابینن و
غروور لووتی پێکردوونەتە ئاسمان و
بە یەقینەوە دەم لە حەقیقەت دەکوتن و
تەلیسمی ئەو جوانییانە ئەکوژن کە ڕۆژانێک تیا عاشق بوون.
ئەفسوونی ئەو بۆوبەرامانە سڕ دەکەن کە ڕۆژانێک دەیانبردنەوە سەر دەروازەی خەونەکانی مناڵیتان.
ئاوازی ئەو دەنگانە کپ دەکەن کە ڕۆژانێک لە ویژدانی ناختانەوە سەریانهەڵدا.
جەخار،
چەندە خۆتان لە بیرکرد و خۆتان دۆڕاند.
لە ئاست خودای تاق و تەنیای لە خۆبایی ئارەزوویەک،
چۆن کەوتوونەتە سەر چۆک و بۆ پاداشتێک بوون بە چەقۆ و بە جەرگ و دڵی ڕۆژگارا ڕۆ ئەچن و
چون چنگێ خوێ ی هەڵڕژاو بن
بەسەر برینێکی گەورە و کراوەدا ئێش و ژان بەرهەم ئەهێنن.
چەند بەدبەخت و چەند خۆشبەختن گەورە پیاوانی درۆزن
زەمانێکە،
چیدی پێویست بە دەمامکەکانتان ناکات،
ڕووی ڕاستیان حەشار بدا
چاو لە دەم و لە قەپۆزتان،
کەسێک نەما گوێ هەڵنەخا بۆ درووشم و بۆ پەیامتان
کەس نەما لە چاوەڕوانی وەڕس نەبێ و،
بە دیار مەراقی ئومێدێک ئاوی چاوانیان دانەیێ و
لە حەسرەتا،
نەگەڕێنەوە نێو قۆزاخەکانی متبوون لە سەرابی بێدەنگی دا
چەند بەدبەخت و چەند هەژارن گەورە پیاوانی درۆزن
ماسکەکانتان گشت بەسەرچوون
درووشم و پەیامەکانتان ڕزی و کۆن بوون
هێند لەگەڵ مێژووی درۆدا تەبا و تەریب هاتن چوون،
بە ڕاستیەکانیشتان ئەمڕۆ مناڵێکی سادە و ساکار بڕوا ناکات.
گەورە پیاوانی درۆزن
بە ڕۆژی ڕوون،
گەر نەپۆشن دەمامکی فرە ڕەنگتان،
تەنگە نەفەسی قەفەزی سییەکانتان بە توندی هەراسان ئەکا و
زمانتان دووچاری تەتەڵە و
ئاگر بەرئەبێتە چرچ و لۆچی نێوچاوان و هاڵاوی گرژیتان سەرئەکات.
زەمانێکە ڕەونەقی هەموو ماسکەکان لە کۆنەوە تا مۆدێرن گشت بەسەرچوون.
دەمامێک چییە نەما، نیازی بەد و ئارەزووی تیمساح ئاسای ئەم ڕۆحە قێزەوونەتان حەشار بدا.
چەند بەدبەخت و چەند خۆشبەختن،
گەورە پیاوانی درۆزن
بەم ڕۆژگارە قاندراوانە بە ستایشی تاریکی،
بەم سەردەمە هەڵکشاوە لە پەتای جەنگ و کاولی،
بەم جیهانە ترسناکەی نوقم بووە لە بێباکی،
بەم ژیانە پووچە گەماڕۆدراوە بە شەیپوڕی ڕەزامەندی.
لەگەڵ ڕۆحی سادەی خۆتان هەمیشە دژ،
لەگەڵ ناخی سرووشتی خۆشتانا دووژمن،
ئەو کاتانەی کە کەللەیی دەتانگرێ سەرشانی خۆتان نابینن و
غروور لووتی پێکردوونەتە ئاسمان و
بە یەقینەوە دەم لە حەقیقەت دەکوتن و
تەلیسمی ئەو جوانییانە ئەکوژن کە ڕۆژانێک تیا عاشق بوون.
ئەفسوونی ئەو بۆوبەرامانە سڕ دەکەن کە ڕۆژانێک دەیانبردنەوە سەر دەروازەی خەونەکانی مناڵیتان.
ئاوازی ئەو دەنگانە کپ دەکەن کە ڕۆژانێک لە ویژدانی ناختانەوە سەریانهەڵدا.
جەخار،
چەندە خۆتان لە بیرکرد و خۆتان دۆڕاند.
لە ئاست خودای تاق و تەنیای لە خۆبایی ئارەزوویەک،
چۆن کەوتوونەتە سەر چۆک و بۆ پاداشتێک بوون بە چەقۆ و بە جەرگ و دڵی ڕۆژگارا ڕۆ ئەچن و
چون چنگێ خوێ ی هەڵڕژاو بن
بەسەر برینێکی گەورە و کراوەدا ئێش و ژان بەرهەم ئەهێنن.
چەند بەدبەخت و چەند خۆشبەختن گەورە پیاوانی درۆزن
زەمانێکە،
چیدی پێویست بە دەمامکەکانتان ناکات،
ڕووی ڕاستیان حەشار بدا
چاو لە دەم و لە قەپۆزتان،
کەسێک نەما گوێ هەڵنەخا بۆ درووشم و بۆ پەیامتان
کەس نەما لە چاوەڕوانی وەڕس نەبێ و،
بە دیار مەراقی ئومێدێک ئاوی چاوانیان دانەیێ و
لە حەسرەتا،
نەگەڕێنەوە نێو قۆزاخەکانی متبوون لە سەرابی بێدەنگی دا
چەند بەدبەخت و چەند هەژارن گەورە پیاوانی درۆزن
ماسکەکانتان گشت بەسەرچوون
درووشم و پەیامەکانتان ڕزی و کۆن بوون
هێند لەگەڵ مێژووی درۆدا تەبا و تەریب هاتن چوون،
بە ڕاستیەکانیشتان ئەمڕۆ مناڵێکی سادە و ساکار بڕوا ناکات.
No comments:
Post a Comment