لەم جەنجاڵی مەملەکەتە شێواوەدا،
شەرم و شکۆ،
چوون بڕیارێکی لاستیکی نێو بازاڕەکانی سیاسەت،
بە دەست دەمامکەکانی ڕۆژگارەوە.
داد و بێداد،
گووناح و هەق لە یاری جۆلانەیەکدا و بە گوژمی ڕەشەبا گەمەی بێدەربەستی خۆی ساز ئەکات،
ئێمەش لێرە،
مردوویەکی چەند ئارام و چەند ئاسوودەین،
بەو گوڵەبەڕۆژانەی کە تیشکی خۆرمان لێ حەشاردان.
بەو خونچە گوڵانەی بەئەنقەست، بارانمان لێ زەوتکردن.
یا ئەو گوڵە شیلانانەی، لە ڕەگوڕیشەوە هەڵمانکێشان.
بەو گوڵە هێرۆیانەی سەرمانبڕین بۆ ئەبەدی و حەشارماندان.
یا ئەو قەڵەمە یاخیانەی، بە فیشەک ئەتکمان کردن.
یا ئەو دەنگە گڕاویانەی، دۆزەخمان پێ ئاشنا کردن.
ئەو هاوارە وەڕسییانەی، سووپامان کرد بە گژیانا.
یا ئەو ڕۆحگەلە تووڕانەی، تارمایی چەکمان دواخستن و
گوللەکانمان بۆ پۆست کردن.
تۆ بڕوانە چەند دڵنیا و چەندە شادین
بە دووڕوویی و
جەند بێباکین،
لە گێڕانی بەردەوامی بەرداشی تانەوتەشەر و وێرانکاری.
لە گەڕانی بێووچانی چەرخی شەرم و شکۆ و وەهمی داستانەکانی سەربەرزی.
لە سووڕانی بێپشووی دەستاڕەکانی
تاریکی، شەڕەکانی نێوان ئیمان و بێ ئیمان،
جەنگی خائین و شۆڕشگێر،
لە تووندکردنەوەی پشتێنەکانی شەرەف و بۆسەکانی پیاوسالاری،
تا بە شانازی یەقینێکەوە،
بە گژ گوڵ و عەشق و ڕووناکی و ژیاندا بچینەوە.
بەگژ ئەو عاشقانەی چ نەبوون جگە لە ئارەزووی خەوبینین بە دنیایەک پڕ لە ئەڤین.
دژی ئەو گوڵانەی پڕبوون لە تەلیسمی جوانی باخچە و
دژ بە ڕووناکی ئەو مۆمانەی لە کونجەکانی تاریکی یاخی بووبوون،
ئێمەش،
چوون وەهمی ترسێکی ئەبەدی جڵەوی ڕۆحی گرتبین
کوێرانە شمشێرەکانمان ئەوەشێنین،
پەیتا پەیتا، چەقۆکان لە هەسان ئەدەین،
بە پێوەین و خوڕافەی پاڵەوانێکی ئەبەدیمان تیا سەوز ئەبێت
عەشقی مەرگ کێشمان ئەکات و
خەو بە جەنگەوە ئەبینین،
لە هەڵکردن و داکردنی ناوەخت دا
پەنجە نەسرەوتەکانی هەڕەشە،
شەق و شەللاقمان ڕۆژە ڕێییەک ڕێ ئەکا
لە تووڕەبوونی بێمانا، بێسنوور لەزەت ئەبینین.
ژیان بەسەر لێواری خەرەندێکەوە خۆی گرتووە و
تۆ بڕوانە سامی ترس چ پاڵەپەستۆیەکی خستۆتەوە.
لەم هەڕەتی پووچییەدا،
نەسڵی جەلادی مۆدێرن لە منداڵدانی هۆشمانا لە ژێر پەردەی پیرۆزییەکان،درووست ئەکەین،
پیاوکوژ لە ئێسک و پرووسکی ئەم ڕۆحە تێکشکاوەدا گەورە ئەکەین و،
دکتاتۆر و خوێنڕژەکان لە ترسی هەڕەشەیەک کە دڵنیایی و ئارامیمان ڕائەماڵێت،
بەرهەم دێنین.
تۆ بڕوانە،
گیرۆدەی خەیاڵی سەر چ کورسیەکین
چەند هەژارە ئومێد تیایدا و
چەند زەنگینە لە بێباکی.
بەسەر لووتکەی غرووری ئەم یەقینەوە
چوون ڕووانینی شاهەنشایی سەرۆکەکان
چەندە شادن...
بە خۆ بچوکردنەوەمان
بە باڵای هێندە گچکەمان
بچووک بچووک
بە مێروو و قالۆنچە ئەچین
لە تەک لووتی قۆندەرە و پۆستاڵەکانیان.
شەرم و شکۆ،
چوون بڕیارێکی لاستیکی نێو بازاڕەکانی سیاسەت،
بە دەست دەمامکەکانی ڕۆژگارەوە.
داد و بێداد،
گووناح و هەق لە یاری جۆلانەیەکدا و بە گوژمی ڕەشەبا گەمەی بێدەربەستی خۆی ساز ئەکات،
ئێمەش لێرە،
مردوویەکی چەند ئارام و چەند ئاسوودەین،
بەو گوڵەبەڕۆژانەی کە تیشکی خۆرمان لێ حەشاردان.
بەو خونچە گوڵانەی بەئەنقەست، بارانمان لێ زەوتکردن.
یا ئەو گوڵە شیلانانەی، لە ڕەگوڕیشەوە هەڵمانکێشان.
بەو گوڵە هێرۆیانەی سەرمانبڕین بۆ ئەبەدی و حەشارماندان.
یا ئەو قەڵەمە یاخیانەی، بە فیشەک ئەتکمان کردن.
یا ئەو دەنگە گڕاویانەی، دۆزەخمان پێ ئاشنا کردن.
ئەو هاوارە وەڕسییانەی، سووپامان کرد بە گژیانا.
یا ئەو ڕۆحگەلە تووڕانەی، تارمایی چەکمان دواخستن و
گوللەکانمان بۆ پۆست کردن.
تۆ بڕوانە چەند دڵنیا و چەندە شادین
بە دووڕوویی و
جەند بێباکین،
لە گێڕانی بەردەوامی بەرداشی تانەوتەشەر و وێرانکاری.
لە گەڕانی بێووچانی چەرخی شەرم و شکۆ و وەهمی داستانەکانی سەربەرزی.
لە سووڕانی بێپشووی دەستاڕەکانی
تاریکی، شەڕەکانی نێوان ئیمان و بێ ئیمان،
جەنگی خائین و شۆڕشگێر،
لە تووندکردنەوەی پشتێنەکانی شەرەف و بۆسەکانی پیاوسالاری،
تا بە شانازی یەقینێکەوە،
بە گژ گوڵ و عەشق و ڕووناکی و ژیاندا بچینەوە.
بەگژ ئەو عاشقانەی چ نەبوون جگە لە ئارەزووی خەوبینین بە دنیایەک پڕ لە ئەڤین.
دژی ئەو گوڵانەی پڕبوون لە تەلیسمی جوانی باخچە و
دژ بە ڕووناکی ئەو مۆمانەی لە کونجەکانی تاریکی یاخی بووبوون،
ئێمەش،
چوون وەهمی ترسێکی ئەبەدی جڵەوی ڕۆحی گرتبین
کوێرانە شمشێرەکانمان ئەوەشێنین،
پەیتا پەیتا، چەقۆکان لە هەسان ئەدەین،
بە پێوەین و خوڕافەی پاڵەوانێکی ئەبەدیمان تیا سەوز ئەبێت
عەشقی مەرگ کێشمان ئەکات و
خەو بە جەنگەوە ئەبینین،
لە هەڵکردن و داکردنی ناوەخت دا
پەنجە نەسرەوتەکانی هەڕەشە،
شەق و شەللاقمان ڕۆژە ڕێییەک ڕێ ئەکا
لە تووڕەبوونی بێمانا، بێسنوور لەزەت ئەبینین.
ژیان بەسەر لێواری خەرەندێکەوە خۆی گرتووە و
تۆ بڕوانە سامی ترس چ پاڵەپەستۆیەکی خستۆتەوە.
لەم هەڕەتی پووچییەدا،
نەسڵی جەلادی مۆدێرن لە منداڵدانی هۆشمانا لە ژێر پەردەی پیرۆزییەکان،درووست ئەکەین،
پیاوکوژ لە ئێسک و پرووسکی ئەم ڕۆحە تێکشکاوەدا گەورە ئەکەین و،
دکتاتۆر و خوێنڕژەکان لە ترسی هەڕەشەیەک کە دڵنیایی و ئارامیمان ڕائەماڵێت،
بەرهەم دێنین.
تۆ بڕوانە،
گیرۆدەی خەیاڵی سەر چ کورسیەکین
چەند هەژارە ئومێد تیایدا و
چەند زەنگینە لە بێباکی.
بەسەر لووتکەی غرووری ئەم یەقینەوە
چوون ڕووانینی شاهەنشایی سەرۆکەکان
چەندە شادن...
بە خۆ بچوکردنەوەمان
بە باڵای هێندە گچکەمان
بچووک بچووک
بە مێروو و قالۆنچە ئەچین
لە تەک لووتی قۆندەرە و پۆستاڵەکانیان.
No comments:
Post a Comment